خل نفترق ... واحنا عزيزين
مدام قلبك صار (قاسي وجاحد)
ماكنت لك[واحد] اساوي ملايين؟
وشلون خنتيني على شان [واحد]
الحين... وش بعد الخيانه وبعدين؟
شفتك معاه بعيني والله شاهد
ومدام قلبك قادر يحب شخصين
ماهي غريبه .. لوتحبين واجد!!
تقولين لي :راشد ! بـ اسمي تغلطين
وتنادينه: أحمد ليه؟ هو اسمه: راشــد!
مثلك يشوف الحب لعبه وتخمين
وثلي يحب وعندة الحب خــالــد!
انتي الوحيدة وسط قلبي وتدرين..
مافيه غيرك داخل القلب قاعد!
كتبت اشعاري لانك: بــ تقرين
والا شعوري من هــ الابيات زاهد!
يالله فمان الله مابي تردين
انتي خطـايــا والخطـا مني وارد
انسانه حلوة صح.. بس ماتحسين!
وطبيعي قلبي من جروحك يباعد
صيري فـ مكاني وشوفي شنهو تسوين؟
ياللي في قلبك شوق الاحباب بارد!
رايح انا ولاتسأليني على وين...
مني لك اقرب صار "كوكب عطــارد"